Komuna e Prishtinës ka bërë të ditur se se që nga nesër, qytetarët e kryeqytetit mund të furnizohen me insulinë.

Po ashtu, Komuna njofton se furnizimi mund të bëhet vetëm në Barnatoren kryesore të Qendrës Kryesore të Mjekësisë Familjare në Prishtinë, duke filluar nga ora 11:00.

“Komuna e Prishtinës është ndër të parat që ka arritur furnizimin me Insulinë për banorët e saj. Kontrata për furnizimin me Insulinë është realizuar nga Komuna, ndërsa sasia e siguruar pritet të mbulojë nevojat e të gjithë banorëve të Prishtinës për pesë muajt e ardhshëm”, thuhet në komunikatën e Komunës së Prishtinës.