Deputeti Haxhi Avdyli ka treguar se Lista ‘Guxo’ është regjistruar si iniciativë në Komisionin Qendror të Zgjedhjeve.

Këtë Avdyli e tha në emisionin ‘dPt te Fidani’ në T7, raporton Gazeta Express.

“Është regjistruar iniciativa e Listës Guxo në KQZ. Pak jemi vonuar, por në të njëjtën kohë nuk e shohim si handikap, por si përparësi. Ne do të fitojmë shumë më shumë pushtet për këta aktivistë tonë që ne i respektojmë shumë, por në të njëjtën kohë presim mirëkuptim”, thotë Avdyli.

Kujtojmë se Lista ‘Guxo’ do të garojë së bashku me Lëvizjen Vetëvendosje në zgjedhjet lokale që do të mbahen në tetor.