Elseid Hysaj tashmë mund të konsiderohet lojtar i Lazios.

Ai gjatë ditës, përmes një letre, i dha lamtumiren Napolit, klub në të cilin luajti gjashtë vjet.

E ardhmja e mbrojtësit të Kombëtares shqiptare do të vazhdojë në Itali, tani te Lazio.

Ani pse Lazio ende nuk e ka konfirmuar transferimin e tij, Mauricio Sarri, i cili insistoi për ta marrë shqiptarin, e ka përfshirë atë në skuadër për parasezonin para startit të Serie A.

Lajmi është bërë i ditur në faqen zyrtare të klubit.

Në parasezon Lazio i ka ftuar edhe talentet e akademisë, shqiptarin Florent Shehu, që luan mesfushor, dhe portierin 21-vjeçar Marco Alia.

Gjithashtu me skuadrën kanë udhëtuar edhe Vedat Muriqi, Thomas Strakosha dhe Durmishi.