Një vajzë 20 vjeçare është shtruar në spital në Kretë, pasi humbi ndjenjat, pak minuta pasi ishte vaksinuar.

Pasi humbi ndjenjat, një i afërm i ngushtë i saj që ishte bashkë me të, menjëherë e dërgoi vajzën në një qendër shëndetësore, ku iu dha ndihma e parë.

Sidoqoftë, siç tha një i afërm i vajzës, asaj i duheshin më shumë se 5 minuta për t’u rikuperuar ndërsa më pas edhe dy herë të tjera humbi ndjenjat.

“Ajo është 20 vjeç! Nuk kishte probleme shëndetësore, shkonte në palestër çdo ditë”, tha e afërmja e saj.

Pas kësaj, u gjykua e nevojshme që të transportohej në spital, ku ajo ende po trajtohet.

Nuk është e qartë se çfarë e shkaktoi këtë gjendje te vajza, apo nëse kishte një problem të mëparshëm shëndetësor.

Sipas informacionit të fundit që familjarët morën nga mjekët, ekzaminimet e saj deri më tani janë të mira.

“Sipas informacionit të vlefshëm dhe të sigurt, zhvillimi i shëndetit të saj është i mirë. Është e mundur që stresi që ajo ndjeu pas vaksinimit të shkaktojë një reagim të tepruar të sistemit nervor dhe episodeve të fikëtit”, shkruajnë mediet e huaja.