Presidenti serbi Aleksandar Vuçiq ka thënë se në Bruksel pala kosovare ka kërkuar që Natasha Kandiq, themeluesja e Fondit për të Drejtën Humanitare në Serbi të përfshihet në dialog.

“ Unë nuk dua të pranoj vlerësimin i cili do të thotë se faji është i barabartë, sepse nuk ka asnjë faj tonin”, tha Vuçiq dhe shtoi se nuk ka faj të Serbisë.

Presidenti serb deklaroi se ai është veçanërisht i shqetësuar se siç tha ai duke iu referuar palës kosovare “ata nuk dëshironin të bien dakord me të paktën një fjali, dhe kjo është se”ai do të përmbahet nga veprimet që do të destabilizojnë situatën në terren”.

” Sot, unë jam shumë më i shqetësuar për pozitën e serbëve në Kosovë”, tha mes tjerash Vuçiq në një adresim për media pas takimit që pati me kryeministrin e Kosovës, Albin Kurti.