Tashmë në Aeroportin Ndërkombëtar “Adem Jashari” në Prishtinë kanë arritur familjarët e bashkatdhetarëve të cilët gjendeshin në autobusin e aksidentuar në Kroaci e të cilët pritet që pas orës 22:00 të arrijnë në Kosovë.

Në aeroport tashmë kanë mbërritur dhe tri ambulanca. Sonte pritet që të sillen në Kosovë disa nga udhëtarët që gjendeshin në autobusin e kompanisë “Deva Tours”.

Aksidenti tragjik ndodhi mëngjesin e së dielës ku 10 persona mbetën të vdekur dhe mbi 40 të tjerë u lënduan.

Kujtojmë që nga Kroacia sot janë nisur për në Kosovë edhe trupat e 8 prej viktimave të këtij aksidenti. 

Ata pritet të arrijnë nesër në Kosovë. Ndërkohë në Kroaci kanë mbetur për obduksion edhe trupat e dy viktimave.