Një i pastrehë icili dyshohet se kryente veprime vandale dhe bënte thirrje raciste në lagjen kineze të San Franciskos u filmua duke sulmuar një oficere policie aziatike, teksa ajo po përpiqej ta prangoste.
Incidenti u shënua të premten në mbrëmje në sheshin Portsmouth, por videoja e cila tregonte si kishte ndodhur incidenti u bë virale të dielën.
Oficerja e policisë në video duket vetëm teksa i afrohet të pastrehit.
Fillimisht burri duket sikur nuk do krijonte probleme por në momentin kur oficerja po vendoste dorashkat, burri e kap dhe e hedh në tokë.
View this post on Instagram
U desht ndërhyrja e kalimtarëve që të ndihmojnë oficeren e policisë e cila kishte përfunduar poshtë trupit të madh të burrit që po e rrezikonte ta mbyste. Një minutë më pas mbërritën dhe forcat përforcuese për ta arrestuar të pastrehin.
Ende nuk është identifikuar se kush është i pastrehi, por sipas dëshmitarëve ai kishte qenë aty duke bëri thirrje raciste. Madje kishte refuzuar dhe të largohej pavarësisht paralajmërimeve të policisë.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
