Brazili ka arritur ta mposht Spanjën në një duel të vështirë në kuadër të finales së Lojrave Olimpike “Tokyo 2020”.

Brazili dhe Spanja janë duke u përballur në kuadër të finales së Lojërave Olimpike “Tokyo 2020”, shkruan lajmi.net.

Brazili ishte në avantazh në pjesën e parë përmes golit të Cunhas 45+2, mirëpo në pjesën e dytë, Spanja reagoi mirë me golin e Oyarzabal në min 61′ i cili shënoi një gol fantastik.

Sidoqoftë, koha e rregullt përfundoi baras dhe gjithçka duhej të vendosej në vazhdime.

Në kohën shtesë, Brazili dukej më i rrezikshëm dhe këtë e tregoi në fushë përmes rasteve.

Hero i Brazilit në këtë takim u bë anëtari i Zenit St. Petersburgut, Malcom i cili shënoi gol në min 108-të për t’ia dhënë avantazhin “Seleçaos”.

Malcom arriti që me një vrapim të shpejtë ta kalojë Jesus Vallejon për ta shënuar një gol të bukur.

Rezultati përfundimtar, Brazili 2-1 Spanja.

Brazili fiton medaljen e artë ndërsa Spanja e merr të argjendtën.