Fundi i këtij muaji është afati kur 12 ambasadorët e Kosovës nëpër vende të ndryshme të botës të shkarkuar në maj të këtij viti të kthehen në vend.

Ndërkohë zëvendësimi i tyre tashmë është çështje ditësh.

Kështu ka bërë të ditur Ministria e Punëve të Jashtme në një përgjigje për Klan Kosova, ku thuhet se ky proces do të mbyllet brenda pak ditësh.

Po ashtu, kjo ministri është deklaruar edhe për zëvendësimin e ambasadorëve.

“Ministria e Punëve të Jashtme dhe Diasporës ndodhet në fazën finale të përmbylljes së procesit për plotësimin e pozitave të lira të ambasadorëve nëpër misionet e Kosovës nëpër botë. Ky proces do të mbyllet brenda pak ditës dhe MPJD do ta njoftojë opinionin publik rreth këtij procesi”, thuhet në përgjigje.

Në Grupin për Studime Juridike dhe Politike që e kanë përcjellur këtë proces diplomatik, kërkojnë nga ekzekutivi që emërimet e reja të jenë me integritet të lartë profesional dhe të mos jenë të lidhur me parti politike.