Gjithçka është zyrtare tashmë. Lionel Messi do të jetë lojtar i Paris Saint-Germain për dy vite plus një vit me mundësi vazhdimi.

Përmes një videoje, PSG e prezantoi Messin si lojtarin e tyre më të ri.

Ndërkohë, gjashtë herë fituesi i Topit të Artë ka thënë edhe fjalët e para si futbollist i PSG-së.

“Jam i ngazëllyer për të filluar një kapitull të ri të karrierës sime në Paris Saint-Germain. Çdo gjë në lidhje me klubin përputhet me ambiciet e mia të futbollit. Unë e di se sa të talentuar janë skuadra dhe stafi trajnues këtu. Unë jam i vendosur të ndihmoj në ndërtimin e diçkaje të veçantë për klubin dhe tifozët, dhe mezi pres të dal në fushë në Parc des Princes” – tha Messi.

A new 💎 in Paris !

PSGxMESSI ❤️💙 pic.twitter.com/2JpYSRtpCy

— Paris Saint-Germain (@PSG_inside) August 10, 2021

Prezantimi i tij pritet të bëhet nesër në “Parc des Princes” me fillim nga ora 11:00.