Ministria e Jashtme e Kosovës ka publikuar numrat në të cilët qytetarët që janë në Afganistan dhe kërkojnë të dalin nga ai vend mund të kontaktojnë.

Afganistani sot ka rënë në duart e talebanëve të cilët morën pushtetin pasi pushtuan pjesën më të madhe të vendit dhe kryeqytetin, Kabulin.

Qytetarë të shumtë janë larguar nga vendi derisa në aeroportin e kryeqytetit lejohen fluturimet vetëm nga aeroplanët ushtarakë.

Ministria e Jashtme ka publikuar numrat në rrjete sociale dhe ka lëshuar komunikatë.

“Numri i kontaktit për të gjithë qytetarët e Republikës së Kosovës që kanë nevojë për informata për kthim nga Afganistani është: +383 (0) 45 492 316”, thuhet në njoftim.

Numri i kontaktit për të gjithë qytetarët e Republikës së #Kosovës që kanë nevojë për informata për kthim nga #Afganistani është: +383 (0) 45 492 316 pic.twitter.com/MyjcNC6HiC

— MFA Kosova ?? (@MFAKOSOVO) August 15, 2021

Ndryshe, Presidenti afgan Ashraf Ghani, së bashku me nënpresidentin dhe zyrtarë të tjerë të lartë, u larguan të dielën nga vendi, duke u krijuar terrenin kryengritësve talebanë për të ri-marrë në dorë pushtetin në Afganistan, 20 vite pasi një koalicion ushtarak i udhëhequr nga Shtetet e Bashkuara e rrëzoi grupin nga pushteti.