Xhuljano Bullari u gjet i vrarë mëngjesin e sotëm në afërsi të fshatit Babicsë në Vlorë. Ai ishte qëlluar me një plumb në kokë dhe është gjetur pa shenja jetë në një makinë tip “Fiat”, me targa të Tiranës.

Familjarët e tij e kanë marrë vesh nga mediat lajmin për vrasjen e Xhulianos, shkruan Reporteri.net.

Në rrjetet sociale është publikuar një video prekëse, teksa gazetari i TV Syri raporton live nga stacioni i policisë për vdekjen e 25 vjeçarit.

Në momentin kur ai konfirmon emrin e tij, prapa shpinës i afrohet një person që dëgjon me vëmendje.

Ai rezultoi të jetë babai i 25 vjeçarit, i cili në atë moment e kuptoi se djali i ka ndërruar jetë dhe reagimi i tij ishte mjaft prekës. /Reporteri.net