Ka përfunduar takimi interesant mes Ballkanit dhe Dukagjinit në Suharekë, në kuadër të javës së parë në Superligën e Kosovës.

Pas katër golave të realizuar, asnjëra skuadër nuk arriti t’i arkëtoi pikët e plota, shkruan lajmi.net.

Ballkani fillimisht kishte rastin e artë, por Baftiu dështoi nga pika e bardhë (30′).

“Xhebrailat” gjetën golin përmes mesfushorit Ermal Krasniqi në minutat shtesë të pjesës së parë.

Qysh në aksionin tjetër, Abrër Shala i Dukagjinit barazoi rezultatin përmes një supergoli nga gjuajtja e lirë, rezultat me të cilin përfundoi pjesa e parë.

Në 45-minutëshin e dytë, Ballkani sërish kaloi në avantazh me anë të Krasniqit (53′).

Por, Dukagjini nuk u dorëzua dhe gjeti golin përmes Ahmed Januzit (68′).

Ky i fundit pas gjashtë minutave, u ndëshkua me të kuq, situatë që u rishikua nga VAR.

Kësisoj, epilogu përfundimtar rezultoi të jetë 2 – 2.

Me këtë pikë, Dukagjini renditët në pozitën e tretë, derisa Ballkani në të katërtën gjithashtu me një sosh.