Në rast se Cristiano Ronaldo transferohet te Manchester City, atëherë skuadra e Juventusit ka tri emra në listë për ta zëvendësuar yllin portugez, ka raportuar të enjten e përditshmja italiane “Gazzetta dello Sport”.

Gjasat janë të mëdha që Ronaldo të zhvendoset në Angli, pasi tashmë ka kërkuar largimin nga Juventusi, ekip me të cilin ka kontratë deri vitin e ardhshëm.

Te Juventusi tashmë po përgatiten për ta zëvendësuar Ronaldon. Emri i parë në listën e ekipit italian është sulmuesi i Paris Saint-Germainit, Mauro Icardi kurse pas tij vijnë edhe Moise Kean i Evertonit dhe Luka Joviqi i Real Madridit.