Në Kosovë tash e disa ditë po mban mot me shi dhe breshër në disa qytete.

Dje vendi është përfshirë nga sasi të mëdha të reshjeve, të shoqëruara me bubullima dhe rrufe.

Mot i tillë pritet të jetë edhe sot në ditën e enjte, me një ngritje të temperaturave deri në 25 gradë. Mirëpo moti pritet të ndryshojë krejtësisht në ditën e premte dhe të shtune.

Ditën e premte moti do të jetë me diell dhe me temperaturë maksimale 27 gradë Celsius. Në ditën e shtune temperaturat kapin shifrën e temperaturave verore, ku në arrijnë në 29 gradë.