Sulmuesi Mario Balotelli, i cili aktivizohet në Turqi me skuadrën e Adana Demirspor ka shkaktuar tollovi në ndeshjen e fundit, shkruan Insporti.

Klubi i tij, Adana Demirspor ishin të etur për të siguruar fitoren e tyre të parë të sezonit dhe me rezultatin ende 0-0 pas 56 minutave, menaxheri Samet Aybaba vendosi të ndryshojë gjërat.

Ai e largoi nga loja Balotellin, i cili ende nuk ka shënuar këtë sezon, dhe italiani nuk ishte aspak i lumtur me zëvendësimin.

Nga stoli Super Mario tregoi gjithë zhgënjimin e tij, duke sharë dhe madje duke goditur shokun e skuadrës ulur pranë tij.

Në këtë pjesë të parë të aventurës së tij në Turqi, marrëdhënia e Balotellit me trajnerin Samet Aybaba sigurisht që nuk është më e mira (gjatë javës trajneri gjithashtu e kritikoi atë publikisht). Dhe ky reagim është vetëm konfirmim i telasheve që po vijnë.