Kryeministri Edi Rama është i ftuar mbrëmjen e së enjtes në emisionin “Opinion”. I pyetur lidhur me prioritetet e qeverisë së tij në këtë mandat, Rama tha se se janë pikërisht turizmi dhe eksporti i energjisë.

Pjesë nga intervista në studio:
A ka prioriete qeveria juaj në këtë mandat?

Rama: Janë shumë të qarta sepse janë bërë me dije që në fushatën elektorale. Duhet të bëjmë durim që kjo skuadër të shkojë në parlament aty do shpaloset programi i qeverisë. Së pari ne duam që Shqipëria e kësaj dekade të bëhet kampione në Ballkan për turizimin.

Sa herë kemi garuar kemi dalë të humbur…

Rama: Më lër të luftoj për t’u bërë kampion.

Mund t’ju ndihmojnë një këshillë sepse siç thatë mandati i tretë të jep pak arrogancë.

Rama: Më lër të flas. Së dyti duam që Shqipëria të bëhet në këtë dekdaë eksportuese neto e energjisë. Nuk janë dëshira të bazuara thjesht tek ëndrra për ta parë Shqipëinë në një nivel tjetër, por janë bazuar tek puna e këtyre viteve dhe investimet që janë në proces ose do të hyjnë në proces.