Një 49-vjeçar është vrarë me armë zjarr pasditen e sotme në Tropojë. Viktima është identifikuar si shtetasi Isat Goçaj.

Ngjarja e rëndë ka ndodhur në fshatin Çerem.

“Sot, rreth orës 15:30, në fshatin Çerem, në rrethana ende të paqarta është vrarë me armë zjarri shtetasi I.G., 49 vjeç, banues në Çerem”.

Policia identifikoi autorin e dyshuar të vrasjes, shtetasin Altin Ismajlisufi, kapja e të cilit u bë pak minuta pas ngjarjes.

“Shërbimet e Komisariatit të Policisë Tropojë falë reagimit në kohë, veprimeve të shpejta dhe profesionale, bënë të mundur kapjen e autorit të dyshuar shtetasin Altin Ismajlisufi.

Gjatë kontrollit në banesë, Policia gjeti dhe sekuestroi armën e zjarrit, me të cilën autori kreu vrasjen” njoftoi policia.

Autori i dyshuar po shoqërohet në Komisariatin e Policisë Tropojë, për veprime të mëtejshme.

Burime për Ora News bëjnë me dije se ngjarja dyshohet se ka ndodhur për shkak të një konflikti pronësie mes autorit dhe viktimës.

Grupi hetimor, nën drejtimin e Prokurorisë së Rrethit Gjyqësor Tropojë, vijon punën për zbardhjen dhe dokumentimin e plotë të rrethanave të ngjarjes.