Fundjava dhe ditët e para të javës së ardhshme kryesisht me diell. Të mërkurën shumë ngrohtë.

Sipas Prishtina Weather në ditët vijuese situata sinoptike mbi vendin tonë mbetet më e qëndrueshme, ku do të mbizotërohet nga mot kryesisht me diell, megjithëse në fundjavë herë-herë edhe me vranësira kalimtare, e ditën e shtunë përreth viseve malore nuk përjashtohen mundësi edhe për riga lokale shiu.

Indeksi i cilësisë së ajrit do të jetë kryesisht në vlera të pranueshme dhe të mira.

11.09 – Kryesisht me diell, pasdite me vranësira kalimtare. Përreth viseve malore nuk përjashtohen mundësi për riga lokale shiu.

12.09 – Kryesisht me diell, herë-herë edhe me vranësira kalimtare, kryesisht të nivelit të lartë.

13.09 – Kryesisht me diell.

14.09 – Kryesisht me diell.

15.09 – Kryesisht me diell dhe shumë ngrohtë.

Temperaturat e ajrit do të luhaten përreth vlerave mesatare, me minimale që luhaten nga 10C deri 12C, e ato maksimale nga 26C deri 29C.

Do të fryjë erë e lehtë dhe mesatare kryesisht nga krahu verior 1-8m/s.

Shtypja atmosferike luhatet përreth vlerave normale.