Gjinekologët e Kosovës kanë rekomanduar gratë shtatzëna të vaksinohen me vaksina të teknologjisë mRNA. Vaksinat e teknologjisë mRNA janë Pfizer&Biontech si dhe Moderna. Aktualisht në Kosovë është në dispozicion vaksina Pfizer.

Shoqata e Gjinekologëve dhe Obstetërve të Kosovës ka rekomanduar gratë shtatzëna, lehonat dhe ato që planifikojnë të mbeten shtatzënë që të vaksinohen me vaksina të teknologjisë mRNA.

“R e k o m a n d i m: Gratë në fazën riprodhuese, Gratë shtatzëna pavarësishit moshës të barrës, Lehonat gjidhënëse dhe të tjerat, Ju rekomandojmë vaksinimin me vaksinën anti COVID-19 të teknologjisë mRNA”, thuhet në njoftimin e kryetarit të Shoqatës, Prof. Shefqet Lulaj.