Shërbimet e policisë në Vlorë kanë bërë me dije se kanë shpëtuar tre peshkatarë nga mbytje në det.

Mjeti i tyre po fundosej në “Gjirin e Gramës”, kur autoritetet ndërhynë.

Shërbimet e Stacionit të Policisë Kufitare Dhërmi, në bashkëpunim me rojet bregdetare, kanë shkuar në kohë në drejtim të adresës së dhënë dhe pas kërkimeve në det kanë bërë të mundur gjetjen e mjetit të peshkimit.

Tre personat që ndodheshin në mjetin e peshkimit ndodhen në gjendje të mirë shëndetësore.

Ndërkohë po merren masa për transportimin e mjetit të tyre lundrues