Një automjet ka humbur kontrollin dhe ka rënë në një përrua 20 metra nga rruga, kur ka dalë në afërsi të fshatit Vërçun të Pogradecit.

Policia njofton se drejtuesi i mjetit ka humbur kontrollin dhe për pasojë janë dëmtuar pasagjerët; shtetasja Xh. H. rreth 30 vjeçe dhe shtetasi M. H., 33 vjeç, banues në fshatin Çaushli, Maliq, si edhe drejtuesi i mjetit shtetasi K. G., të cilët u transportuan në Spital dhe ndodhen nën kujdesin e mjekëve.

Nga të dhënat paraprake, mësohet se drejtuesi i mjetit dhe një prej pasagjerëve janë në gjendje të rëndë.