Trajneri i kombëtares së Kosovës në futboll, Bernard Challandes, e ka komentuar rastin e penalltisë që i’u dhurua Suedisë në pjesën e parë.

Pas ndeshjes, Challandes tha se penalltia e referuar nga gjyqtari ishte shaka, shkruan Reporteri.net

“Nuk është ndjeshje e njejtë sikurse në Prishtinë. Mendo që kemi luajtur me një kundërshtar shumë të fortë. Për mua është një shaka situata e penalltisë. Që nga koka tek dora nuk është penallti, shpjegoma si mund të jetë kjo? Madje mund të jetë edhe faul në Haderxhonaj”, tha ai.

Por, ai pranon se Suedia është skuadër e fortë dhe se e meritoi këtë fitore.

“Gjithsesi, Suedia e ka merituar këtë fitore. Pas pjesës së parë, kishim mundësi të barazonim. Suedia pati tre lojtarë shumë të fortë në sulm. Po të shënonim në fillimin e pjesës së dytë, do të ishte një tjetër lojë”, shtoi tutje Challandes.