Turistët që humbën jetën tragjikisht në hotel Gloria, kishin vetëm 2 orë që kishin mbërritur në ambientet e hotelit.

Mungesa e tyre u vu re nga turistët e tjerë të cilët nisin kontrollet brenda ambienteve të hotelit. Ndërsa skena e rëndë u pa nga recepsionistja e hotelit, pasi ishte pikërisht ajo që shkoi tek sauna, ku u gjetën edhe katër viktimat.

Menaxheri tha se kishte trokitur në derën e dhomës së hotelit por nuk kishte marrë asnjë përgjigje.

Gjatë mbrëmjes së djeshme u tha se përfaqësues të ambasadës ruse do të vinin në terren për të parë rrethanat e ngjarjes, megjithatë ende nuk janë shfaqur në hotelin që ndodhet në Qerret. Ndërsa janë marrë në pyetje persona të cilët ishin pjesë e stafit të hotelit.