Mbrëmjen e sotme Shqipëria u godit nga një tërmet me magnitudë 4.5 me epiqendër në afërsi të Lezhës.

Lëkundjet e forta të tërmetit u ndjen po ashtu dhe në Tiranë, Durrës e Shkodër, duke ngjallur panik te qytetarët.

Pas lëkundjeve të tërmetit, shumë qytetarë në Lezhë kanë dalë nga banesat, duke qëndruar për disa minuta në rrugë.

Deri më tani nga lëkundjet e tërmetit nuk raportohet për persona të lënduar apo dëme materiale.

Se tërmeti nuk ka shkaktuar dëme është konfirmuar edhe nga Bashkia e Lezhës.

“Nga Informacionet paraprake te marra nga struktura e emergjencave në Bashkinë Lezhë, lëkundjet e para disa minutave me pare, te cilat sipas informacioneve ishin 4.5 balle, nuk kane shkaktuar dëme. Struktura e Emergjencave civile bashke me Administratoret dhe Kryetaret e fshatrave jane ne terren per cdo problematike.”, thuhet në njoftimin e kësaj bashkie.