Tantros Antanom Gebregesous, Drejtori i përgjithshëm i Organizatës Botërore të Shëndetësisë, ka folur lidhur me situatën e krijuar nga COVID-19.

Shefi i OBSH-së paralajmëroi se një virus i ri mund të shfaqet “në një moment” që nuk mund të kufizohet.

Duke folur për “sigurinë biologjike“, ai theksoi se “në një moment do të shfaqet një virus tjetër që ne thjesht nuk mund ta kufizojmë“.

Në të njëjtën kohë, Gebregesos në takimin e Ministrave të Shëndetësisë dhe Financave të “G20” i kërkoi komunitetit ndërkombëtar të mësonte nga pandemia aktuale në mënyrë që të përgatitet për të ardhmen.

Kjo është arsyeja pse, sipas tij, bota ka nevojë për një “OBSH të forcuar, të fortë dhe të financuar në mënyrë të qëndrueshme” që do të sigurojë një përgjigje të shpejtë ndaj pandemive.

Ai u bëri thirrje vendeve të mbështesin krijimin e një Këshilli Financimi të Kërcënimeve Shëndetësore dhe nënshkrimin e një marrëveshjeje ndërkombëtare ligjërisht të detyrueshme për gatishmërinë dhe reagimin ndaj pandemisë.