West Hami e ka mposhtur 3:2 Liverpoolin në një ndeshje zbavitëse të dielën, duke ia shkaktuar disfatën e parë skuadrës së Jurgen Kloppit dhe duke e kaluar në vendin e tretë në Premierligë.

Pablo Fornals dhe Kurt Zouma, të ndihmuar nga një autogol i Alissonit, ia siguruar skuadrës së David Moyes tri pikët në Stadiumin Olimpik në Londrën lindore, pasi golat nga Trent Alexander-Arnold dhe Divock Origi s’iu mjaftuan të kuqve, raporton Gazeta Express.

Kjo ishte fitorja e gjashtë e West Hamit në ligë dhe e dërgon atë në vendin e tretë në tabelën e Premierligës me 23 pikë, aq sa ka Manchester City, një më shumë se Liverpooli dhe tri më pak se lideri, Chelsea.

Kjo ishte humbja e parë e Liverpoolit pas shtatë muajve dhe 25 ndeshjeve.