Dy kallashnikovë pa silenciator janë gjetur brenda një automjeti tip “Toyota” që është gjetur i djegur në afërsi të Thumanës në një zonë të pyllëzuar.

Kjo dyshohet të jetë edhe makina e përdorur nga autorët e atentatit në Tiranë, ndërsa sipas informacioneve të siguruara nga Report Tv, targa “AA 532 ON” rezulton e vjedhur disa muaj më parë.

Erigers Mihasi është një nga viktimat e atentatit të ndodhur mbrëmjen e sotme në zonën e Astirit.

Armando Dumani 26-vjeç, është viktima e dytë e atentatit të ndodhur mbrëmjen e sotme në zonën e Astirit në Tiranë.

Ata kanë qenë duke udhëtuar në automjetin e tij tip Audi A 8 me targa AB 008 EM, në momentin kur është bërë shënjestër e plumbave.