Në një gropë në oborrin e shtëpisë së tij në fshatin Grecalli të Fierit, K.Ç. e groposi 8-vjeçarin M.V..

Trupi i pajetë i vogëlushit u gjet pas disa orë kërkimesh nga Policia e Shqipërisë, i mbuluar me baltë.

38-vjeçari, fqinj i familjes, tentoi të fshehë vrasjen e tij duke e groposur dhe më pas mësohet të ketë pyetur se “a erdhi djali në shtëpi” pasi kishte mësuar se po e kërkonin.

Sipas oranews, autori ka pranuar se deklaruar para Policisë se ka marrë në shtëpi fëmijën e mitur, e ka vrarë dhe më pas e ka groposur me baltë në shtëpinë e tij. Ai ka pranuar para uniformave blu se e ka goditur të miturin disa herë më lopatë.

Ai ka pretenduar se i mituri e kishte sharë dhe për këtë arsye e kishte vrarë dhe më pas groposur.

Ishte nëna e të miturit që bëri denoncimin për humbjen e djalit të saj, ndërkohë pas këqyrjes së disa kamerave të sigurisë në lagje, u pa se 8-vjeçari kishte hyrë në banesën e 38-vjeçarit K.Ç., me biçikletën e këtij të fundit.

Menjëherë Policia ka arritur në banesën e tij, ku dhe ka gjetur të pajetë trupin e fëmijës nën baltë. Autori ndodhet prapa grilave.