Presidenti i Shqipërisë, Ilir Meta në një konferencë për media me një gjuhë të ashpër tha se kreu i PD-së, Lulzim Basha iu është ulur në gjunjë që të anulonte zgjedhjet.

“Keqardhje për Bashën që përpiqet të më fajësojë, pas shpikjes së trekëndëshit të Bermudës. Qytetarët i ndjejnë pasojat e këtij vendimi shumë të rëndë për mosmarrjen pjesë në zgjedhjet vendore. Basha rrezikoi paqen në vend se procesin e integrimit as që behët fjalë. Ai kërkoi që presidenti të shtynte zgjedhjet. Protesta që Basha kishte organizuar do të degradonte me dhunë dhe se Basha nuk e kontrollonte më popullin opozitar dhe se ai do të ishte përgjegjësi për të gjithë dhunën e përdorur. Basha iu ul në gjunjë me lot në sy presidentit që të anulonte zgjedhjet”, tha Meta.