Të paktën dy persona kanë humbur jetën në një shpërthim të fuqishëm që ka ndodhur rreth orës 14:00 në fabrikën e armëve në Leshtane të Beogradit.

Si pasojë e shpërthimit janë lënduar edhe 15 tjerë, ndërkaq ekipet e kërkim-shpëtimit janë vënë në kërkim të disa personave që janë shpallur të zhdukur.

Një punonjës mbeti në mes të rrënojave, por ishin ekipet e zjarrfikësve që e nxorën.

Sipas dëshmitarëve në atë pjesë të Beogradit është ndjerë një shpërthim i fuqishëm.

Madje disa shtëpive u janë thyer xhamat nga forca e shpërthimit që tronditi banorët.

Deri më tani shkaqet janë të panjohura, ndërsa mediat serbe raportojnë se rrjedhja e derivateve shkaktoi zjarrin.