Rreth dy orë më parë ka ndodhur një aksident komunikacioni në rrugën “Dëshmorët e Kombit” në Ferizaj.

Në këtë aksident ka marrë lëndime drejtuesja e makinës, një grua rreth moshës 30 vjeçare e cila sipas dëshmitarëve ishte edhe shtatëzënë.

E lënduara është dërguar në Emergjencën e Spitalit të Ferizajt dhe është jashtë rrezikut.

Policia e trafikut gjendet në vendin e ngjarjes dhe po merret me rastin.

Ndërkaq rastin për Reporterin e ka konfirmuar Agim Gashi, zëdhënës në Drejtorinë Rajonale të Policisë së Ferizajit, i cili ka thënë se dy persona janë lënduar si pasojë e aksidentit, dhe të njëjtit janë dërguar në emergjencë.

“Aksidenti ka ndodhur në qytetin e Ferizajt, para dy orëve. Dy persona janë të lënduar, në këtë aksident janë për përfshira dy vetura, persona e lënduar janë dërguar në emergjencë dhe rasti do të dërgohet në gjykatë”, ka thënë Gashi. /Reporteri.net/