Kujdestarja e vajzës 17 vjeçare që u vra sonte në rastin tragjik në Gllogjan,  duke e mallkuar dorasin.

Ajo gjithashtu ngushëlloi familjarët e të vrarëve në tragjedinë e sotshme.

“I mallkuar qofsh o kriminel që ndave … nga klasa. Pushofsh në paqe maturantja ime e bukur?. Ngushëllime familjes dhe të gjithë atyre që sonte humbën fëmijët e tyre?”, ka shkruar ajo.

Një autobus që transportonte nxënës nga Gjakova për në Deçan, diku në mes të fshatit Shaptej dhe Gllogjan, është sulmuar nga të paktën një person i maskuar, ku si rezultat kanë vdekur 3 persona dhe një është plagosur.

Lajmin e ka konfirmuar Shkodran Nikçi, i cili tha se zyrtarisht tre persona janë vrarë dhe një tjetër është plagosur.

Të vrarët janë dy nxënës, djalë dhe vajzë të moshës së re dhe shoferi i autobusit.

“Tre persona kanë humbur jetën si pasojë e gjuajtjes me armë zjarri”, tha Nikçi .

Nuk dihet ende autori e as motivet e sulmit që tronditi Deçanin mbrëmjen e së premtes.

Lidhur me tragjedinë kanë reaguar eksponentë nga skena politike duke përfshirë edhe presidenten e shtetit, Vjosa Osmanin.

Ndërsa ministrja e Drejtësisë, Albulena Haxhiu, ka thënë se ekipi i Institutit të mjekësisë ligjore është në vendin e ngjarjes dhe ky rast duhet të zbardhet sa më parë.

“Ekipi i Institutit të mjekësisë ligjore është në vendin e ngjarjes dhe jemi në komunikim të vazhdueshëm me institucionet”. “Ky rast duhet të zbardhet sa më parë dhe kriminelët duhet të përballen me drejtësinë.