Një aksident i rëndë është regjistruar në mesnatë, rreth orës 01:00 në rrethrrotullimin pranë TEG-ut në rrugën Elbasan-Tiranë.

Mjeti tip BMW me targa AA472 PE ka dalë nga rruga duke u përplasur me bordurën.

Sipas policisë si pasojë e përplasjes kanë humbur jetën 4 anëtarë të familjes Biba, nëna, babi dhe 2 fëmijët, ndërsa drejtuesi i mjetit ndodhet në spital në gjendje të rëndë shëndetësore.

“Mjeti me drejtues shtetasin A. A ka humbur kontrollin dhe ka dalë nga rruga duke u përplasur me bordurën e rrugës.

Si pasojë e përplasjes kanë ndërruar jetë pasagjerët V. B, B. B, F., B, Xh. B , ndërsa drejtuesi i mjetit A. A ndodhet në SQU nën kujdesin mjeksor”,- njofton policia.

Burime për RTV Ora bëjnë me dije se familjarët kanë qenë duke u kthyer nga një festë në Elbasan.

Grupi hetimor vijon punën për zbardhjen e rrethanave dhe shkakut të aksidentit.