Ka vdekur sot gjenerali Klaus Reinhardt, që ishte komandanti i dytë i trupave të KFOR-it në Kosovë.
Për nder të Reinhardt, ushtarët e KFOR-it të cilët shërbejnë në Kosovë kanë ulur flamurin e KFOR-it në gjysmështizë, shkruan Gazeta Online Reporteri.net.
Në një postim në Facebook thuhet se gjenerali Reinhardt nuk do të harrohet kurrë.
“Me zemër të rëndë përshëndesim dhe e ulim flamurin e KFOR-it në gjysmështizë për humbjen e ish-komandantit , gjeneral Dr. Klaus REINDHARDT.Gjenerali REINHARDT komandoi KFOR-in ndërmjet 8 tetorit 1999 dhe 18 prillit 2000. Ne si ushtarë të KFOR-it nuk i harrojmë kurrë vëllezërit tanë dhe të gjithë ndajmë dhimbjen për humbjen e ish-komandantit tonë. U prefsh në paqe Gjeneral. Nuk do të harrohesh kurrë”, thuhet në postim.
Reinhardt ishte komandanti i dytë i trupave të KFOR-it në Kosovë.
Rinhardt ishte komandant nga 8 tetori i vitit 1999 deri më 18 prill të vitit 2000. /Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
