×
  • Lajme
  • Lajme

    Media austriake: COVID-19 në Kosovë nuk është më problem pasi të gjithë e kanë kaluar

    Reporteri
    04 Dhjetor 2021 | 13:06
    Fotografi ilustruese.

    Më 1 dhjetor u regjistruan tetë raste të reja me COVID-19 në Kosovë.

    Incidenca 7-ditore është aktualisht 9.

    Megjithatë, kjo nuk do të reflektohet në numrin e infeksioneve aktuale, pasi numri i testimeve në Kosovë është i vogël dhe shumë pak persona kanë sigurim shëndetësor, ndërsa vizita te mjeku nuk është e përballueshme për shumicën, raporton media austriake Kurier.

    Sipas saj, nëse pyet qytetarët e Kosovës për situatën me pandeminë, dëgjon shpjegime të tilla si “COVID-19 nuk ekziston më, pasi të gjithë e kanë pasur”.

    Statistikat tregojnë se në fund të verës së këtij viti, Kosova u përball me valën më të rëndë të virusit që nga fillimi i pandemisë dhe në fund të gushtit dhe klinikat u kërcënuan me kolaps.

    Fillimi i vitit shkollor u shtye për dy javë, jeta e natës u kufizua në të gjithë vendin dhe bartja e maskës në ambiente të jashtme u bë e detyrueshme, raporton Krurier, transmeton kallxo.com.

    Deri në këtë moment, sipas Kurier, Kosova radhitej si vendi i fundit në Evropë me shkallë të vaksinimit prej rreth 15 për qind.

    Rreth 41 % të popullsisë janë të vaksinuar plotësisht.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!