Luftëtari irlandez, Conor McGregor, ka shprehur qëndrimin e tij sa i përket vaksinimit kundër koronavirusit.

33 vjeçari ka thënë që sipas tij vaksinimi i detyrueshëm është një krim lufte, shkruan Gazeta Online Reporteri.net.

“Vaksinimi i detyruar është një krim lufte. A mendoni se detyrimi i njerëzve për të injektuar diçka në trupin e tyre nuk është krim?”

“Njerëzit duhet të kenë të drejtën e zgjedhjes, një përpjekje për të detyruar njerëzit të vaksinohen nga Bashkimi Evropian, nuk mund të pajtohem me këtë, por e di që qentë tanë në pushtet do të bëjnë atë që u thuhet, është koha që Irlanda të largohu nga Bashkimi Evropian”, ka shkruar Gregor në llogarinë e tij zyrtare në tëitter.

Conor më vonë ka shlyer postimin e tij duke u munduar të sqarohet rreth deklaratës së tij.

“Unë nuk jam kundër vaksinave, jam kundër që nuk mund të zgjedh, Zoti i bekoftë ata që mendojnë ndryshe”, ka thënë ai.

Koronavirusi vazhdon të jetë problem serioz në gjithë botës, sidomos pas përhapjes së variantit të ri Omicron./Gazeta Reporteri/