Gjiganti gjerman, Bayern Munich, po vazhdon të insistoj tek sulmuesi i tyre, Rober Lewandowski, që të vazhdoi qëndrimin në klub.

33 vjeçari ka kontratë me bavarezët deri në vitin 2023, shkruan Gazeta Online Reporteri.net.

Në një intervistë për Sports Blind, tekniku gjerman Herbert Hainer, është shprehur se i gjithë ekipi e vlerëson shumë sulmuesin polak.

“Do të isha shumë i lumtur nëse Robert e përfundon karrierën këtu. Një gjë është e sigurt, të gjithë ne në FC Bayern e vlerësojmë jashtë mase Lewandowskin”, ka thënë ai.

Lewandowski u transferua tek Bayern Munich nga Borussia Dortmund në vitin 2014.

Ai po kalon në formë të jashtëzakonshme dhe ishte në garë për të fituar ‘Topin e Artë’ këtë vit, por u la mbrapa nga argjentinasi, Lionel Messi./Gazeta Reporteri/