Ministria e Shëndetësisë ka njoftuar se në 24 orët e fundit janë konfirmuar 10 raste të reja me COVID-19.

Raste të vdekjes s’janë regjistruar, derisa janë shëruar 14 pacientë.

Konfirmimi i këtyre rasteve ka ardhur pas testimit të mbi 2 mijë e 700 testimeve.

Aktualisht, numri i rasteve aktive është 324.

“Nga 2.779 testime, 10 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 14 qytetarë, derisa numri i përgjithshëm i të shëruarve është 157.882. Në total numri i rasteve aktive është 324”, thuhet në njoftimin e MSh’së.