Kryetari i Prishtinës Përparim Rama është takuar sot me ambasadorin e Shqipërisë në Kosovë, Qemal Minxhozi.

Gjatë këtij takimi, dyshja diskutuan për thellimin e bashkëpunimit në mes të Ambasadës së Shqipërisë në Kosovë dhe komunës së Prishtinës, shkruan Gazeta Online Reporteri.net.

“Sot pata kënaqësinë të mirëpres në një vizitë miqësore Ambasadorin e Shqipërisë në Kosovë z. Qemal Minxhozi, të cilin e falënderoj për urimet e përzemërta dhe gatishmërinë për bashkëpunim.Në këtë takim të përzemërt, përveç tjerash u diskutua për thellimin e bashkëpunimit në mes të Ambasadës së Shqipërisë në Kosovë dhe Komunës së Prishtinës”, thuhet në njoftimin e Ramës në Facebook. /Reporteri.net/