Qeveria e Kosovës, gjatë ditëve të fundit ka bërë thirrje për kursim të energjisë elektrike.

Në manualin e qeverisë ndër të tjera bëhet thirrje që të fiken dritat kur dalim nga shtëpia.

Mirëpo, në disa foto të publikuara në rrjete sociale, qytetarët ankohen se dritat në objektin e Qeverisë po janë të ndezura edhe pas orës 00:00 të natës.

Kryeministri i Kosovës, Albin Kurti,  dje ka mbajtur një konferencë për media ku ka folur për krizën me energji elektrike në të cilën po kalon edhe Kosova.

Madje, Kurti ka treguar se ai ngrohet ma batanije.