×
  • Lajme
  • Lajme

    Kurti për ministren Gërvalla: E pakorruptuar dhe e pakorruptueshme

    Reporteri
    16 Dhjetor 2021 | 21:48

    Kryeministri Albin Kurti ka thënë se ministrja e Punëve të Jashtme dhe Diasporës, Donika Gërvalla – Schwarz, është e pakorruptueshme.

    Ai tha se ka vlerësim shumë të lartë për kryediplomaten, për të cilën tha se është patriote, e pakorruptuar dhe pakorruptueshme.

    Kryeministri foli edhe për emërimin e ambasadorëve të rinj, duke thënë se ky proces është ndryshimi më i mirë sa i përket shërbimit të jashtëm në Kosovën e pasluftës.

    “Unë kam vlerësim shumë të lartë me ministren Donika Gërvalla – Schwarz dhe mendoj që është një politikane patriote, e pakorruptuar dhe e pakorruptueshme. Sa i përket shërbimit të jashtëm, mund të them që i kemi emëruar nëntë diplomatë të karrierës dhe gjashtë politikë në një proces të shkëlqyeshëm e që është për çdo lëvdatë e me të cilin jam krenar. Pra, 15 ambasadorë të rinj që i kemi, nëntë të karrierës dhe gjashtë politikë, është ndryshimi më i mirë në Kosovën e pavarur, sa i përket shërbimit të jashtëm dhe diplomacisë”, tha ai në KTV.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!