Një e mitur është goditur nga vetura pasditen e sotme në fshatin Klinë të Skenderajt.

Zëdhënësi i Policisë Avni Zahiti ka thënë për Gazetën Online Reporteri.net se 9 vjeçarja ka pësuar lëndime trupore dhe është dërguar për trajtim mjekësor.

“Sonte rreth orës 17:20, në fshatin Klinë të Skenderajt, ka ndodhur një aksident trafiku, në mes të një automjeti dhe një këmbësori. Si pasojë e aksidentit këmbësorja (fëmijë) i moshës 9 vjeçare ka pësuar lëndime trupore. I njëjti është dërguar për trajtim mjekësor”, ka thënë ai.

Zahiti ka theksuar se hetuesit e njësitit të trafikut rajonal po merren me rastin. /Reporteri.net/