Ish deputeti i Partisë Demokratike të Kosovës, Nezir Çoçaj ka njoftuar se është larguar nga kjo parti.

Në një postim në Facebook, ai ka shkruar se nuk do të jetë më as votues i thjeshtë i kësaj partie.

“Lamtumirë PDK-ë! Nga sot e tutje nuk do të jem as votues i thjeshtë i kësaj partie”, ka shkruar ai.

Nuk dihen arsyet e largimit të tij nga ky subjekt.

Nezir Çoçaj ka lënë mandatin e deputetit në vitin 2018. Aso kohe, ai ka bërë të ditur se arsyet e largimit janë personale, përkatësisht me çështje profesionale. /Reporteri.net/