Zëvendëskryeministri i Malit të Zi, Dritan Abazoviç ka komentuar faktin se nuk është mbajtur seanca e Kuvendit, në të cilën do të diskutohej për shkarkimin e tij.
Mediat malazeze raportojnë se nuk ka pasur diskutim, sepse Kuvendi nuk ka përcaktuar rendin e ditës.
“Nesër do të ketë edhe më pak njerëz në mbështetje të qeverisë, për mendimin tim. Çështja është e paqartë. Është vazhdimësi e përgjigjes ndaj vullnetit të popullit. Edhe sikur të ishte ndryshe, nuk ka problem. E vetmja tendencë është që ne të gjithë të shkojmë së bashku për të gjetur një zgjidhje të qëndrueshme që mund ta shtyjë vendin përpara”, tha Abazoviç.
“Do të përfundojë në mënyrë shumë të ngjashme edhe gjatë ditës së nesërme”, shtoi ai.
Gjatë ditës së nesërme pritet që të mbahet seanca e radhës parlamentare, ku do të diskutohet shkurtimi i mandatit të Kuvendit.
Të shtunën do të mbahet gjithashtu edhe një seancë parlamentare, teksa do të votohet shkarkimi i qeverisë së udhëhequr nga kryeministri Zdravko Krivokapiç.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.