Distria Krasniqi e ka nisur mbarë në Paris. Por, janë eliminuar Akil Gjakova, Flaka Loxha dhe Laura Fazliu.

Distria Krasniqi është e vetmja nga xhudistet kosovarë që ka mbetur për medalje në Grand Slamin e Parisit.

Krasniqi e ka kaluar rrethin e parë pa luftë, derisa në atë të dytë e ka eliminuar Anais Mosdierin.

Ajo tani do të ketë punë me britaniken, Chelsie Giles.

Akil Gjakova është përshëndetur me Grand Slamin e Parisit.

Në kategorinë deri 73 kg, Akili u përball me Shakhran Akhadov nga Uzbekistani në rundin e dytë, pasi kishte fituar të parin.

Gjakova ishte favorit, por Akhadov realizoi Waza-ari pas një kundërsulmi.

Akili në raundin e parë të kategorisë deri 73 kilogramë e kishte përballë xhudistin e Algjerisë, Messaoud Redouane Dris. Ndaj tij fitoi pas afro gjashtë minutave luftë me aksion për “Waza-ari”, por tashmë është përsëhndetur me Grand Slamin e Parisit, transmeton express.

Laura Fazliu është ndalur gjithashtu herët në Grand Slamin e Parisit në xhudo.

Në luftën e parë në kategorinë deri 63 kg, Laura përballë e kishte japonezen Masako Doi. Lufta ishte e fortë dhe shkoi në kohën shtesë. Japonezja fitoi me mbërthim, duke e zënë në pozitë të papërshtatshme Laurën.

Edhe Laura, njëjtë si Flaka Loxha, qe gjithashtu u eliminua, në këndin e trajneres e kishte Majlinda Kelmendin.

Për Majlindën është gara e parë seniore si trajnere.