Southampton po kalon një moment fantastik, “shenjtorët” vijojnë ecurinë pozitive, këtë herë duke marrë një pikë në transfertë përballë Man.United. Armando Broja mbetet një pikë referimi, i pazëvendësueshëm tashmë në sytë e trajnerit Ralf Hasenhuttl.

Ylli shqiptar zbriti si titullar në “pallatin e ëndrrave” duke sfiduar C.Ronaldo me shokë. Broja zhvilloi një tjetër 90-minutësh të madh, duke qenë një rrezik konstant në zonën e “djajve të kuq”. 20-vjeçari tregoi të gjithë potencialin e tij duke “djegur” në më shumë se një herë ata që konsiderohen si mbrojtësit më të mirë në botë, Varane dhe Maguire.

Ahead at the break thanks to @Sanchooo10's finish 👏#MUFC | #MUNSOU

Lexo edhe:

“Unë doja ta gjuaja”, Asllani flet caktimin e penalltisë së trajnerit për Manajn

“Ndeshje të tilla luhen për t’u fituar me çdo kusht”, reagimi i Mavrajt pas barazimit me Serbinë

Të shoqëruar nën masa të forta sigurie, ekipi serb largohet nga Tirana drejt Beogradit

— Manchester United (@ManUtd) February 12, 2022

Broja ishte i pafat në këtë sfidë teksa vetëm De Gea arriti ti mohonte kënaqësinë e golit, të paktën në dy momente të pastra. “Djajtë e kuq” kaluan të parët në avantazh me Sancho në minutën e 21-të ndërsa me fillimin e pjesës së dytë, Adams barazoi shifrat në 1-1, rezultat që mbeti i pandryshuar deri në fund.