Presidenti i Turqisë, Recep Tayyip Erdogan, ka përsëritur sot se Turqia nuk mund të braktisë lidhjet e tij me Rusinë apo Ukrainën.

Turqisë i ishte bërë thirrje nga Ukraina për të mos lejuar anijet luftarake ruse të kalojnë nëpër ngushticën e Bosforit, njofton agjencia Reuters.

Erdogan ka thënë se është shumë i pikëlluar nga agresioni i Moskës ndaj Ukrainës.

“Turqia është e përkushtuar të përdorë autoritetin e saj të dhënë nga Konventa e Montreuxit në mënyrë që të parandalojë eskalimin e krizës Rusi – Ukrainë”, ka thënë Erdogan në konferencë për media në kryeqendrën turke Ankara.