Komiteti Olimpik i Kosovës (KOK) ka dalë më qëndrim të hënën për zhvillimet në FFK. KOK-u ka bërë thirrje që të zbatohen aktet normative të Federatës së Futbollit të Kosovës bazuar në dispozitat e dala nga Ligji i Sportit.

FFK-ja ditë më parë caktoi 6 prillin si datë të mbajtjes së zgjedhjeve, ndërsa u përcoll me reagime të shumta. U vlerësua i paligjshëm.

Klubi kosovar e padit FFK-në për Kuvend Zgjedhor

Lexo edhe:

Broja: Petrovic më tha që keni luajtur një ndeshje shumë të bukur dhe se jemi ekip i fortë

Sylvinho: Jam i zhgënjyer me rezultatin por krenar me lojtarët

“Futbollistët tanë mezi shpëtuan gjallë në Tiranë”, mediat serbe me tituj dramatik për ndeshjen me Shqipërinë

“Komiteti Olimpik i Kosovës (KOK) është duke ndjekur me vëmendje zhvillimet e fundit në Federatën e Futbollit të Kosovës (FFK), e cila ka thirrur Kuvendin e Rregullt Zgjedhor për t’u mbajtur më 6 prill 2022. KOK si institucioni më i lartë sportiv në vend, kërkon që të zbatohen aktet normative të FFK-së bazuar në dispozitat e dala nga Ligji i Sportit. KOK, e ka për obligim të monitorojë Kuvendet e Rregullta të Punës dhe ato Zgjedhore të Federatave Sportive, por jo edhe të interpretojë statutet e Federatave. KOK beson se Federata e Futbollit e Kosovës, si më masivja në vend, do ta kalojë këtë situatë në frymën e ‘fair play-it’ sportiv”, thuhet në njoftimin e KOK-ut.

Po të hënën disa orë më parë, klubi i futbollit Vitia ka dorëzuar padi në Gjykatën Themelore në Prishtinë duke kërkuar anulimin e datës së zgjedhjeve për kryetar të Federatës së Futbollit të Kosovës.