Newcastle United ende janë në kërkim të trajnerit të ri, pasi dy ditë më parë Rafa Benitez u largua nga klubi.

Sheikët e klubit të madh anglez nuk kanë bërë asnjë kontakt me objektivat e tyre, shkruan Reporteri.net

Ata janë dakord në menaxherin e Bournemouth, Eddie Howe, por nuk janë të sigurtë nëse mund ta bindin atë që të kalojë tek ta.

Së fundmi, legjenda e Liverpoolit, Steven Gerrard dhe ish-ylli i Arsenalit, Patrick Vieira janë shfaqur si kandidatët kryesor për postin e trajnerit.

Mirëpo, të dy trajnerët nuk pajtohen të largohen nga klubet e veta, pasi ndjejnë se kanë bërë mirë në sezonet e para tek klubet përkatëse.

Kujtojmë që Jose Mourinho ka refuzuar mundësinë që të marr drejtimin e tyre për arsye që sipas tij, ai kërkon një skuadër konkurruese për tituj e jo një ekip që përfundon në pozitën e 9-të./Reporteri.net/